محاولة جديدة لتشويه سمعة 57357، بفيديو ملفق

محاولة جديدة لتشويه سمعة 57357، بفيديو ملفق


 

 

لمشاهدة الفيديو لمتابعة الحوار بين الاعلامى عمرو أديب والدكتور شريف ابو النجا المدير التنفيذى لمجموعة 57357 ادخل اللينك https://www.youtube.com/watch?v=thcSbF1Tous&feature=youtu.be&fbclid=IwAR2a5gGPpwRXJlOZYnZ1epVUnxXxG94hhP9MsQZzdpH9L5oBizjhLZ7sTQs

عمرو أديب: مش عارف ليه بنستهدف ٥٧٣٥٧

والمشكلة فى اللى مشيوا وراء  الفيديو

د.شريف أبو النجا : الهدف تشويه اى حاجة حلوة علشان يشغلونا بالخناقات مع بعض

فى محاولة جديدة لتشويه سمعة ٥٧٣٥٧ ، وصرف الناس عن التفكير فى المشكلات الحقيقية والوقيعة بين المصريين والتشكيك فى كل شئ جميل .

فوجئنا جميعا على مواقع التواصل الاجتماعى بانتشار مقطع فيديو مغرض لسيدة تُخفي وجهها وتدّعي زورا وكذبا أن مستشفى 57357 رفضت استقبال وعلاج أحد المرضى ليلة الحادث،

وخلال مداخلة هاتفية في برنامج “الحكاية”، الذي يقدمه الإعلامي عمرو أديب،على شاشة “إم بي سي مصر”، نفى د.شريف أبو النجا مدير المستشفى حدوث الواقعة بالكامل وأكد بالأدلة أن الواقعة مجهزة لتشويه المكان والوقيعة بين المصريين ، وتحدث عن التنسيق بين ٥٧٣٥٧ والمعهد منذ بداية الحادث والتعاون الدائم بينهما ، مؤكدا أنها محاولة جديدة لتشويه ٥٧٣٥٧

 

عمرو أديب: أهلا بك معنا د.شريف واحنا عارفين انك فى الأراضى المقدسة، ايه حقيقة الفيديو  واللغط اللى عمله على الفيسبوك؟

 

د.شريف أبو النجا: أولا البقاء لله فى شهداء الحادث المؤلم ، والحقيقة أنا معرفش أساسا اللغط جه منين ، احنا فوجئنا الصبح بفيديو على الفيسبوك لسيدة مخبية وشها بتقول ان احنا رفضنا دخول ابنها بعد الحادث،  والحقيقة ان الواقعة كاذبة من أساسها، والمكان اللى متصور فيه الفيديو مش فى 57357 ، دى مستشفى تانية ، وكمان الست غلطت وقالت فى الثانية السابعة من الفيديو ، انها جاية من مستشفى “دار الف …” ، ومكملتش.

الفيديو ملفق علشان ياخد الناس فى حتة تانية، فمستشفى ٥٧٣٥٧ ومعهد الاورام بينهما تعاون دائم ، وهناك تنسيق وتواصل بيننا من لحظة الحادث ، وأنا كلمت العميد د.حاتم أبو القاسم 5-6 مرات فى 24 ساعة .

لازم نعرف كمان إن أطباء المعهد هما أطباء 57357،  ، وبنوزع الشغل بيننا وبين المعهد، يعنى احنا مثلا استقبلنا العام الماضى 3350 مريض، والمعهد استقبل خمسمائة مريض ، ومحدش يعرف ينقى المرضى ولا يصنفهم .

وليلة الحادث استقبلنا طفلين من المعهد وقدمنا لهم كل الرعاية اللازمة فى الطوارئ ، طبقا للبروتوكول العلاجى بتاعم وبعدها اتنقلوا على مستشفى هرمل،

فالمستشفى عندنا زحمة جدا ، و خطة الإخلاء فى المعهد كانت على مستشفى هرمل ، لأن قسم الأطفال فى معهد الأورام عنده 75 سرير،  40 منهم فى هرمل و35 فى المعهد ، ووزيرة الصحة اتفقت مع وزير التعليم العالى ان الأطفال يتنقلوا لهرمل مع الأطباء والتمريض بتوعهم.

 

العلاقة بين ٥٧٣٥٧ ومعهد الاورام وثيقة جدا ، وأنا أدعوك يا عمرو لزيارة مكان فى منتهى الرقى، هو العيادات الخارجية الجديدة بالمعهد، التى أنشأتها جمعية أصدقاء المبادرة القومية ضد السرطان ومستشفى 57357 ، وتكلفت منذ 6 سنوات 35 مليون جنيه ، ونحن حتى الآن نتولى الاشراف على نظافتها وصيانتها ونتحمل تكلفتهما ، كما أن هناك 156 موظف من 57357 يعملون فى المعهد .

 

عمرو: أنا مش عارف ازاى وسط كل الظروف الصعبة والمشاكل دى عايزين نستهدف 57357

 

د.شريف: استهداف 57357 واضح ، والموضوع مترتب، علشان ياخدونا فى حتة تانية ويشغلونا ويسيبونا نتخانق مع بعض .

 

عمرو: مش هنكون “هبل” ومش هنسمح لحد  ياخدنا يمين ولا شمال ، والحقيقة يا دكتور ان المشكلة مش فى الست اللى عملت الفيديو ، المشكلة فى الناس اللى مشيوا وراها

 

د.شريف :احنا للأسف بنمشى ورا أى حاجة على الفيسبوك، وربنا

 

عمرو: الكلمة نور ، وبعض الكلمات قبور

 

د.شريف: فيه ناس بيدّعوا ان احنا نرفض الأطفال علشان “التصنيف العالمى” ، يقصدوا ايه بالتصنيف العالمى؟!، يستحيل حد يقدر ينتقى مريض سرطان بمجرد النظر، ممكن واحد عنده سرطان فى الكبد ويبدو أنه مرحلة أولى، لكن حينما نجرى له مسح عظام نكتشف وصول السرطان للعظم ” يعنى مرحلة رابعة” ، يعنى مستحيل من البداية نقدر نصنف درجة المرض علشان نحدد الحالات السهلة ونقبلها ونرفض الصعبة،  لأن تصنيف المرض يحدث خلال ٤٥ يوم تقريبا من بداية العلاج بعد اجراء كافة الفحوص وتحديد مدى الاستجابة الاولية للعلاج .

 

ويضيف د.شريف: هل أصبحنا نستكتر على أنفسنا أى حاجة حلوة، نستكتر يكون عندنا مستشفى نظيف ومركز تميز رائد ، ليه عايزين نشوه أى حاجة حلوة، ليه لما المنتخب يتعثر نشتم محمد صلاح، ولما الأهلى يتعثر نشتم الخطيب ،

ليه نسيب غيرنا يوقع بيننا؟؟!.